सक्षम प्रशासन, पारदर्शी र सुशासनयुक्त नगर

सिद्धिचरण नगरपालिका कोशी प्रदेशको ओखलढुङ्गा जिल्लामा अवस्थित एक ऐतिहासिक तथा पर्यटकीय स्थानीय तह हो। नेपाल सरकारको २०७१ वैशाख २५ गतेको निर्णयानुसार साविकका सिद्धिचरण, वर्णालु, ज्यामिरगढी र रुम्जाटार गाउँ विकास समितिहरूलाई समेटेर यो नगरपालिका गठन गरिएको हो। युगकवि सिद्धिचरण श्रेष्ठको नामबाट नामाकरण गरिएको यस नगरपालिकामा १२ वटा वडाहरू रहेका छन्। ऐतिहासिक ओखलढुङ्गा गढी, रुम्जाटार एयरपोर्ट तथा विविध प्राकृतिक एवम् सांस्कृतिक सम्पदाहरू यस नगरपालिकाका प्रमुख आकर्षणहरू हुन्।